الرئيسية / صفحات المستقبل / أنا من دعا إلى اعتصام السبع بحرات

أنا من دعا إلى اعتصام السبع بحرات


جمال داود

أنا من دعا إلى اعتصام السبع بحرات

“مو هيك الموضة هلأ كل واحد يقول أنا”

أنا لما بدي شوف الطيارة بسما البلد قتلت ألف زلمة بالغلط

رح قول أنا ضد التدخل الخارجي من الأول

و إذا زبطت قصة التدخل الخارجي

رح قول أنا يلي طلبت التدخل

أنا إذا لقيت قصة الثورة بتطعمي خبز بصير ثورجي

إذا لقيتا مو جايبة هما و خسرانة بكون أنا يلي وقفت ضدا من الأول

أنا إذا مشي الإضراب بكون أول واحد دعا الو

إذا مامشي بقول شو رح يجيب نتيجة هالعلاك

أنا برهان غليون لما بتنجح الثورة و بينجح هو و ساعتا بدعم المجلس

إذا سقط انا مو معو و لا بعمري كنت معو …أصلا مين هاد شو مجلس يمثلني ما يمثلني

أنا العرعور بحب دقنو كتير و كلامو الطائفي الموزون تبع سوق الهال

إذا الناس عرفت انو العرعور كزاب و منافق انا مو معو ها..بكرهو كتير..و بكره التطرف

أنا مع الإسلاميين إذا استلموا الحكم

أنا مع العلمانيين كمان من الأول

أنا مع البعث كمان إذا ضل…الصلح سيد الأحكام

أنا مالي موقف حاليا لاحدا يحرجني…بس يربح أي حدا بصف معو

و بسمي حالي ربحان و بنزل بدبك و بقول انا سبب الفوز

أنا أبو العريف…أنا من الآخر…صح و مادخلني بالغلط و قراراتي كلها صح

نحنا الوحيدين الصح…أصلا أحسن طائفة طائفتي و أحسن عيلة عيلتي و أحسن خانة خانتي و ماني شايف حدا قدامي

أنا سوري لاحدا يستغرب….سكتت أربعين سنة أنا و أبي لنظام فاشي دموي قمعي و كنت صفقلو بحصص القومية و ردد الشعار كل يوم و ارفع إيدي و طاقية الفتوة على راسي و البسطار العسكري عاطيني وزن أكتر من عقلي

أنا سوري.

http://kebreet.net/2012/01/04/%D8%A3%D9%86%D8%A7-%D9%85%D9%86-%D8%AF%D8%B9%D8%A7-%D8%A5%D9%84%D9%89-%D8%A7%D8%B9%D8%AA%D8%B5%D8%A7%D9%85-%D8%A7%D9%84%D8%B3%D8%A8%D8%B9-%D8%A8%D8%AD%D8%B1%D8%A7%D8%AA/

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

فيينا تحذف سوتشي/ إياد الجعفري

    فشلت المقايضة بين فيينا وسوتشي، التي جرت بين الغرب وروسيا، في تحقيق تفاهم ...