الرئيسية / صفحات سورية / حكي مخنوق سوري

حكي مخنوق سوري

 


المواطن السوري عابد

أخي أنا عايش هون من زمان ؛ ماني مع حدا ولاني ضد حدا ؛

بس عندي كم سؤال الله يرضى عليكم بركي بتعرفوا تجاوبيني عنهم !!

-هلأ يلي ماتوا شهداء و لا مدسوسين ؟؟ مشان اعرف اترحم عليهم و لا سبهم و أبزق على قبرهم !!!

– أذا بدكم تشيلوا الطوارئ ليش عم تتعقلوا أي واحد ينادي بالحريه يلي هي من مبادئ حزب البعث !!!

– اذا الطوارئ كان حافظ أمن البلد ؛ و ضروري ليش ب كم ساعه تحولت اللاذقيه و درعا و حمص و درعا إلى حقول رمي لتجريب الأسلحه الخفيفه على الشعب و انسحب الأمن و أغلقت المحافظه !!!!

– إذا كانت الحكومه بدا تعمل تعدديه حزبيه و سنلغي الحزب الأوحد ليش لازم يأخذ القرار بإجتماع لقيادة نفس الحزب !!!!!

– ليش عناصر الأمن حول أغلب المساجد المهمه في المحافظات و تتعقل كل من تسول له نفسه أن يقول حريه و الله يرحم أطفال درعا !!!

– ليش عمتاخذوا تفقد بالمدينة الجامعيه و يتاخذوا الهويات الجامعيه و بتدخلوا قاعات الدراسه بالجامعات مشان تنزلوا الطلاب على المظاهرات العفويه في حب القائد الأوحد !!!!

– ليش كل مديريات التربيه وكل الأنسات بكل المدارس عملوا تفقد و أخذوا طلابهم للخروج بمظاهرات بريئه في حب الأب البرئ للوطن المسالم في دولة الصمود !!!

– ليش السيارات المتواضعه (

b.m.w,mercides,audi) بحركه عفويه تماما تم توزيعها لتفيم السيارات و تضع الأعلام و صورة القائد الأوحد على النمر من ألمام و من الخلف و تجوب كل الشوارع في حلب و الشام و تقطع الإشارات و مافي شرطي عم يطبق قانون المرور عليهم !!!! علما أنوا إذا سولت نفس أحد المندسين أنو يحط علم سورا و يصرخ العميل و يقول الله ؛ سوريا ؛ حريه و بس ؛ عم يختفي وعمتختفي سيارتو ؛ و ماعمنفهم شي من أهلوا !!!!

– إذا الحكومه عمتقول أنو في فساد كبير بكل مرافق و حاشية و وزراء و مدراء كافة دوائر الدوله ؛ فهدول مين عينن ؟؟؟ المندسين ؛ العملاء ؛ الخونه ؛ و بما أنه حزب وحيد و جبهه وحيده حاكمه فكيف رح تزبطوها هي ؟؟؟!!!!

– إذا الحكومه دولة مجابهه و صمود و عمتدعم المقاومه ؛ فليش ما ضربنا و لا فشكه لبرات حدودنا إلا لولاد لغتنا ؛ و ليش الطيران الإسرائيلي بيقصف موقع بدير الزور و يحلق فوق القصر الجمهوري ولا تضرب باتجاهه أي طلقه ان شاء الله طلقة مسدس عادي و يرجع سالما غانما لتل أبيب !!!!

– إذا تعديل الدستور بدو دراسه طويله و لجنة فقهاء ؛ ليش اتعدل بأقل من ساعة عمر الرئيس الأوحد بعد وفاة الرئيس الخالد !!!!

– و أخيرا وليس أخرا ليش الكل مخنوق بالبلد ؛ وليش 40% تحت خط الفقر ؛ وليش الشباب ما عميعرفوا يتوجهوا و لا يحطوا هدف لحياتن ؛ و ليش في 20000000 مغترب خارج سوريا لا يريدون العوده لسوريا ؛ و ليش الكل بدو يهرب من الجيش و يدفع البدل ؛ و ليش ما حدا عم يفهم شو هي الوطنيه ؟؟؟

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

حسم الصراع السوري محلياً وتأجيجه عالمياً ؟/ عادل يازجي

    خطوط التماس الإقليمية في المشهد السوري ساخنة ومتوترة سياسياً وعسكرياً، وهي تحتمل أكثر ...