حوار وطني

 


–  ليك شلون السما زرقة…

–  ايه و الله ليك شو زرقة…يا محمد شو زرقة..

–  قال شحطو سمير

–  ايه و الله شحطوه..يا محمد شو شحطوه…الحمار وين مفكر حالو..

–  ليك الحليب ابيض

–  ايه و الله ليك شو ابيض..يا محمد شو ابيض…

–  ليك هادا مربع…

–  ايه و الله هادا مربع..يا محمد شو مربع..

– يلعن اسرائيل

–  ايه و الله.. يلعنها…يا محمد شو يلعنها..

–  انا كتير بتفق معك..

–  ايه وو الله منتفق…يا محمد شو متفق معك..بكلشي…نحن السوريين هيك…

–  انا بحبك…

–  ايه و الله بحبك كمان..يا محمد شو بحبك و بحب كل السوريين…نحن السوريين هيك…

اربعين سنة مرت…

–  ليك هي دائرة…

–  ايه و الله دائرة…يا محمد شو دائرة..

–  هداك مستطيل شي؟

–  ما بعرف و الله

–  شكلو مستطيل

–  ايه و الله مستطيل…يا محمد شو مستطيل

–  هديك مظاهرة شي…

–  لاء

– مبلا

–  لاء

–  مبلا

–  انت خائن

–  انت جبان

–  انت عميل

–  انت مخابرات

–  انت موتور

–  انت غبي

–  انت مغرر به

–  انت متسلق

–  انت مندس

–  انت وصولي

–  انت سلفي

–  انت جحش

و يستمر الحوار..

http://www.hashashji.com/

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

فيينا تحذف سوتشي/ إياد الجعفري

    فشلت المقايضة بين فيينا وسوتشي، التي جرت بين الغرب وروسيا، في تحقيق تفاهم ...