الرئيسية / كتاب الانتفاضة / رفيق حلو / واطي طمعان بمنصب رئيس جمهورية

واطي طمعان بمنصب رئيس جمهورية


رفيق حلو

قال هادا واطي طمعان بمنصب رئيس أو وزير ، طيب وين المشكله؟ ليش لاء؟ خلي كل مواطن يحلم يصير شي وشي كبير كمان، خلي الناس تحلم ويكون عندها شي

يفيقها الصبح لتعطي أحلى ما عندا . ولا تسموه طمع سموه طموح ، يعني طالب العلوم السياسيه باوروبا شو بيكون حلمو: يا وزير يا سفير يا نائب ..يا رئيس.. ولاك أيه

رئيس ..فليش لاء اذا عنا سياسين ودكاتره علوم اجتماع واقتصاد وفوق هالشي خريجين حبوس أو مشردين بالمنافي بيكون أحسن وأحسن.. يعني بشار ما كان فيه أي صفة من صفات

الرئيس وكنا لولا شوي ، لو قام بإصلاح حقيقي بل 2000 كان كتير منا راح يفتحو معو صفحة جديدة ، فشو قصتنا هلق؟ كل ما تألق نجم رأس من رؤوس المعارضة منقوم بدنا

نكسرو. بدكم تهاجموه على مواقفو، فكريا أو ايديولوجيا، على عيني و راسي، بس تجريح شخصي ليش. شو يعني قاعد بمقهى بباريس ؟ انتو ليش مفكرين كل المعارضة برا قاعدة

عالقهوة ، فنجان القهوة باريس بخمسة يورو ، يعني اذا شرب فنجان باليوم بدها ميزانيه ، شو مفكرينها مقهى الروضة وقدامو طاولة زهر؟ بعدين أنا نادرا ما شفت معارضين

قاعدين بالمقهي، بس محامي سوري صار بائع متجول شفت ودكتور جامعة التهبوا رجليه من شغل الفرن محل ما كان يشتغل وينام شفت وعالجت وكاتب سوري عم يمسح طاولات كمان

شفت. يعني الواحد منهم لما بيلبس بدلتو الوحيده وبيطلع علجزيرة خلص صار بقية يومو قاعد على يخت عنهر السين؟ ولك ما حدا تقهقر قد السوريين برا. بعدين اغلبهم يا تلاحق

يا انسجن فتره قبل ما يطلع ، وهدول ناضلوا بسنين القحط السياسي لما ما كان حدا يتجرء ينقد النظام بقلبو.. خلص هلق بدنا نطلعلهم شغلة أنت برا والثورة جوا واذا

شاطر تعا أتظاهر مع شعبك . يعني النظام شو بدو أحلى من هيك ، يرجع هلمعارضين برا وهو عندو سجون تكفيهم كلهم ..

صحيح الحريه مطلب غالي ، بس مو عيب اذا المصلحة الشخصيه التقت مع مصلحة الوطن ..اذا حدا فيهم بيطمع بمنصب له علاقة بمجالو ليش لاء.. أنا شخصيا بحلم

أرجع عسوريه ، وربي ولادي بسوريه وأعمل مشفى ومرات بحلم اليقظة تبعي بفكر انو راح يكون أحسن مشفى بالبلد، طبعا مانو مجاني أبدا ، بس كل واحد بيدفع حسب دخلو ، وبحلم

انو الصحافة تكلمت عن المشفى وأخدوا فكرتو وعمموها على مشافي الوطن.. طيب وين الغلط أني أحلم حتى لو ما حققت إلا ربع الحلم ، ما بيكون شي منيح، شو فيها أحلامي ؟ حرام

شي؟ كفر شي؟ وهيك يلي عم يحلم يصير رئيس أو وزير ؟ ليش نازلين فيه فتح ملفات جدو وستو

ما بعرف ليش هالوضع عم يذكرني بقصة . مرة كنا بالفرصة بالمدرسة وانفتح الباب الرئيسي بالغلط ، ومن كتر ما تدافعنا مين بدو يطلع من المدرسه بالاول

، وكل واحد يشد التاني لجوا ، مضي الوقت ورجعوا اجوا سكروا الباب .. وما حدا منا طلع ..

الفيس بوك

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

حسم الصراع السوري محلياً وتأجيجه عالمياً ؟/ عادل يازجي

    خطوط التماس الإقليمية في المشهد السوري ساخنة ومتوترة سياسياً وعسكرياً، وهي تحتمل أكثر ...