صفحات المستقبل

وين البعصة؟

 


لا…مو بالااعترافات يلي شفنا منها كتير قبل هلأ و دايما بيطلع واحد بيعترف بشغلات بنفس تفاصيل الرواية الحكومية..و بيذكر نفس المصطلحات…من فتنة و اوامر و مصاري و تلفونات متطورة جدا من برا.. و نفس الصور تبع السلاح..بس مع تعديل السيناريو بما يتناسب مع خطة الاصلاح الحالية حيث تم استضافة الارهابيين على كنباية..

مو بأنو عم يتهم كل الاحرار و الشجعان السوريين يلي تظاهرو بـأنو مدفعلهون مصاري..

مو بأنو يلي بيسمعو بيفكر انو السوريين ما بيطلعو بيتظاهرو لانو المظاهرات ببلاش و لما حدا بيدفعلون بيطلعوا..

مو بـأنو ذكرونا بأعترافات الشاهد الملك تبع قضية الحريري وقت حكى قصة متل القصة تبع هالشب بس غير سيناريو بيناسب هداك الفلم.. وقتها ما مرقت عالسوريين..لقطوها عالطاير…..

البعصة بالموضوع عزيزي القارئ و القارئة… هي انو ما بتتخيل اديش في عالم بسوريا رح تختار انو تصدق هيك سيناريوهات لحتى يرتاح ضميرهون خلال صمتهون…

و الله يرحم شهدائنا….

و اكتر من انو نترحم على شهدائنا ما منساوي…مافي اسهل انو نزت الشغلات على الله…..خلي الله يرحمهون على اعتبارنحن رح نضيع دمهون…بس انو مندعيلهون….كأنو هيك ناس يلي ماتو كرمال حريتهون و كرامتهون….متعطلين على دعاوي عالم تافهين متلنا….

بس انو ساهمنا  بالدعاء…و تصبحو على عشب

 

وين البعصة؟

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى