صفحات مميزةكمال اللبواني

تصريح كمال اللبواني عن المجلس الوطني السوري والائتلاف

 

“نحنا يا جماعة الخير مجلس مصنّع ما منعرف كيف ومين جابنا, نعمل حسب نظام وضعوه لنا”

يا جماعة الخير يا أهل الائتلاف : ليش متخيلين إنو نحنا الثورة , تخيلوا (معاذ الله) هذه الثورة من دون الإتلاف ؟؟؟؟ ليش (يا لطيف) من دون المجلس؟؟

يعني نحنا منكذب الكذبة ومنصدقها .. حدا برا قال بدو جسد سياسي يمثل الثورة ليتعامل معو , مو ليقود ولا لحتا يشتغل . لإنو عطوه مصاري على قد مهمتوا .. بعدين .. وبعدين اكتشفنا إنو بدهم يانا … منشان نفاوض النظام ونبيع الثورة .. على الأقل هيك أنا فهمت .. مو مهم … بلا طولة حديث بيوجع القلب وبيزعل حدا منا.

بس منشان او لحتا ما تتضخم الأنا عنا كجسد سياسي ونصدق حالنا , أو عند حدا كشخص ويشطح أكتر من الصوفيين اللي بحبهن … باختصار ومن الآخر نحنا يا جماعة الخير مجلس مصنّع ما منعرف كيف ومين جابنا, نعمل حسب نظام وضعوه لنا , وبمقدار ما يوضع بأيدينا من امكانات ..

والثوار فينا وبلانا … والثورة فينا , وبلانا أحسن , وإلهم الله … وحاج تصرخوا وتقولوا لازم ولازم وتعطوا توجيهات ومقترحات من دون ولا شي ؟؟

واهم كتير من هاد: حاج توهموا الناس إنو عنا شي, أو ممكن نقدم شي. لإنو نحنا صغار وضعاف, صغار كتير قدام عظمة هالشعب وبطولاته وتضحياتو لدرجة, تشعرنا بالخجل. وضعاف كتير لدرجة إنو ما منقدر نجتمع, وفاشلين لدرجة انو تلاتة برئاسة الاتلاف مو قدرانين يتفقوا أو حتى يجتمعوا .. هلأ بيزعلوا وبيتهموني متل العادة .. برجع بلوم حالي وبسأل نفسي ليكون نحنا ياللي حررنا الرقة, أو كان عنا خبر؟ أو نحنا ياللي لح ندافع عن حمص حماها الله ..

لا لن ابكي ولا ابكي من مات , لا ابكي من جرح وحوصر , لكن ابكي من يطلب من معارضة الخارج . سلامة عقله . عوضه الله

يا أهل حمص يا اهل التركمان يا اهل داريا ويا اهل الدير .. يا أهل الثورة

كنت قد اسمعت لو خاطبت حيا .. لكن لا حياة لمن تنادي

لن يمثل ولن يقود هذه الثورة الا رجالها في الأرض, وكفا مهزلة إن كل ما يوجد في الخارج هو مجرد سفير لا حول له ولا قوة

كنا بالحبس نقول لكل واحد منطوط قعود .. وبروك على يطأك وشيل على قدك

أو كما قال الشاعر : إن الكرام على الجياد مبيتهم فدعي الرماح لأهلها وتعطري

الفيس بوك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى