بعد تطور الاحداث , ايجابياً للثورة و سلبياً للنظام , و كلمة اوباما المفصلية , بأحداث بلدنا انو : حان الوقت كي يتنحى الرئيس الاسد , و نتيجة تنسيق مع القطب الاوربي , و بعد دقايق , اوربا مجتمعة مع كندا قالت : على الاسد تقبل الواقع و الرحيل
ترافق هالشي مع غليان , على كافة الاصعدة , بيدل على نهاية / هالمرة حتمية / جازمة , بتَخلي الجميع عنو , لأنو تخلى عن شعبو و عنهن , و عن الانسانية
مع جلسة مغلقة لمجلس الامن , و تقديم تقرير عن جرائم ضد الانسانية , ارتكبها النظام السوري السابق , مع توقع بدعوة الامين العام للامم المتحدة , الى تقديم الاسد , الى المحكمة الدولية لجرائم الحرب , و توقع غالبية في التصويت , من بشاعة التقرير
و اُرفق بالتقرير , قائمة من 50 اسم , على مختلف مستويات النظام , ليتحولو لنفس المحكمة , و بقيت الاسماء سرية , و الشي الايجابي , انو التقرير كان فيو وصف تفصيلي لكتير من الجرايم , متل اعدام المعتقلين بالملاعب , و القصف من الهيلوكبتر و القتل , و اطلاق النار على الجيش من الخلف , و الكتير , و وصولاً الى ملف الشهيد حمزة الخطيب
خبر كان مهم اليوم , و هو تشكيل الهيئة العامة للثورة السورية , كجهاز اعلامي موحد , ليكون مردودو للثورة اقوى , و صوتو اعلى , و ضم اغلب صفحات الاعلام و التنسيقيات على الفيس بوك , مع قيادات الثورة على الارض
هالشي ما بظن انو صدفة , لانو ترافق مع خبر , نطرناه كتير , و هو صوت للمعارضة , تذكرنا فيها و انها موجودة , و تعطي الامان , لملىء اي فراغ سياسي , رح ينوجد مع سقوط النظام , و تم اليوم ايصال الخبر لشبكات الاعلام :
المعارضة السورية , تعلن / المجلس الوطني / , كنواة لحكومة سورية مستقبلية , و تم التسريب بأنو المجلس رح بيكون , ممثلاً للمجتمع السوري , و يجمع كامل المعارضة , و الاعلان عنو , يوم الاحد , من اسطنبول
و هيك , بيكون هدوء المعارضة / نوعاً ما / , مقبول , اذا اجا الفعل على مستوى الحدث , و كان المجلس , فعلاً بيرضي الكل
الامور , طولت بالتجهيز , بس اكيد نظام , بجذور طولها 40 سنة , ما بينقلع بسهولة , و بيتطلب عدة و عتاد كتير
و بقيت الاحتمالات التلاتة , على طريق تحقيق الحرية السورية , و سقوط النظام
* تنازل الاسد عن الحكم , للمفاوضة على المحكمة الدولية
* استمرار المظاهرات مع تشديد الخناق الدولي , يؤدي لانهيار اقتصادي , بيتبعو انهيار النظام , نتيجة عدم توفر المال , للجيش و الشبيحة , و باقي اطراف النظام و المنتفعين و الاعلام , و انقلاب لاحق من الجيش
* تدخل عسكري
صبر الثورة و الثوار , على البلاء , و الابتعاد عن ردة فعل مسلحة , غالب الظن , بيوصلنا للاحتمال التاني , و هو احلى المُرين , و رح بيكون فيه التمن غالي , و الدم المهدور و حجم الخراب كبير , بس بيحمينا من اي جسم خارجي , و بخللي الحل سوري بحت
لاحت بشاير النصر و الثورة منتصرة ,,,
فري سيريا
