هذه القصة الكاملة لامارة قطنا بعد اجتماع كامل لعضوات ووجهاء قطنا قررو انو يعملو امرة على مبدا ماحدا احسن من حدا يعني وفعلا الشباب ما كذبو خبر وعينو امير بظن اسمو ابو مصعب او ابو القعقاع هيك شي اسم بخوف يعني بس بعدا تذكرو انو الامارة ما بتصير من دون اميرة وعينو اميرة كمان وصار عندون امير واميرة وطبعا الامير لازم الكل يعرفو ويبايعو على اساس انو نحنا عايشين بعصر الصحابة وفعلا هلا الامير امتطى صهوة جوادو وصار يتمختر بالحارات والناس عمتزت عليه الورد والرز ومبسوطين فيو وطبعا الاميرة كانت وراه على الهودج ومو مبين وشا وكمان الناس عمترش عليها الرز وغيرت اسما تماشيا مع لقب الاميرة وصار اسما الاميرة زمردا وفجاة ولامير عمبتجول بتوقع عيونو على رجال كبير عجوز وضعيف بيترجل الامير عن حصانو وبقرب على الرجل وبقلو “خيرا انشاء الله ياعم اهناك ما يشغل بالك ؟ “وبجاوبو دغري الشيخ “ايها الامير لي اولاد اربعة ولكل ولد منهم ثلاث اطفال وقد اخذتم اولادي للجهاد لنصرة الامارة ولا معيل لهم الا انا بعد الله ولا اجد ما اسد رمقهم يا امير المؤمنين هلا نظرت في امري ” وهون الامير دغري بمد ايدو على جيبتو وبطالع الف درهم وبقلو للشيخ مشي حالك فيون هلا وبعدين منشفلك حلة من بيت مال المسلمين وطبعا هون بخطر ببالو انو لازم يعين وزير للمالية حتى يشوف حلة مع شغلة المصاري ولازم يطبع عملة جديدة منقوشة عليها صورتو على مبدا ما حدا احسن من حدا وفكر كمان انو لازم يعين قاضي يحكم بالشريعة الاسلامية وما لقى غير اخوه على اعتبار انو لازم يكون القضاء لصفو حتى ما حدا ينطلو ويحاسبو طبعا بعد ما تعين اخوه جمع المصلين في الجامع وخطب فيهم خطبة جاء فيها ” ايها المسلمين يا احفاد الصحابة والتابعين لقد كرممنا الله بان نكون كلمته على الارض واني ساحكم انشاء الله بما انزل بالحق فان رايتم مني اعوجاجا فقيموني بحد السيف والترس “وبعد هيك نصب المحكمة وحاكم كم واحد من اذناب النظام الفاسد وحكم عليهم بالاعدام بالسيف ونادى على السياف ابو دحام وقطع كم راس بساحة مدينة قطنا وتربو العالم كلا وماعاد حدا يسترجي يفتح تمو وحكمون لمدة 10 ايام بما انزل الله حتى جاء جيشنا المغوار اللي بيحكي شي سبعطعش لغة وبفهم بكلشي وحسن يلم بالموضوع ومسكون واحد واحد وتوتة توتة خلصت الحتوتة
