كل يوم بروح لنام و بقول يالله هانت…..بكرا منفيق و بتبلش تفرج…قربت تنحل و بكرا بتفيق الجموع من السبات و منخلص من القصة ونس اند فور اول..
بفيق…نفس الخرية…عالم عم تتقتل و تتفعوس…ما كان يملو…انو خلص بدهون حرية و اخدين موقف و مدري شو…و عالم عم تمسح بزيادة و انو متل رجلهون و كأنو الشغلة ما جاييهون منها شي غير انو ينتصرو…..كأنها مباراة..
التمسحة يلي عم تصير عم تتطور لحالة من الغباء…هلأ انو في بالاصل غباء من قبل التمحسة..في علاقة بيناتهون حيرت العلماء و لسا ما بيعرفو مين اجا قبل ..التمسحة و لا الغباء….بس المهم في اسباب نفسية بتلعب دورها عند كل واحد مننا فكل واحد على مصيبتو الله يعينو…يلي خايف و يلي تافه و يلي جحش…في كتير اسباب و نظريات ممكن تشرح هالحالات…بس انو شرحنا و طرحنا و بعدين؟ الجحش عم يضل جحش….اساسا ما في امل…لو في امل ماكنا شفنا حيوانات على وش الارض….كانو كلهون اتطورو مع الزمن و صارو بشر او متل البشر…بس هالشي ما صار فمعناها مافي امل..
هلأ الحيوان منذ الازل…في منو 3 اصناف….و التصنيف هون على حسب نمط حياتو موحسب فصيلتو..انو ما بدنا نميز..لا فرق بين حيوان و حيوان….فنمط حياتو…يا اما بيكون متناغم…او بالاحرى بيفكر حالو عايش بتناغم مع البيئة..او انو حربوق…و انو وين مافي سلتة بيسلت حالو فيها ووين مافي طيز ببوسها…بس انو بيضل حيوان….و اي حيوان اكبر منو..هو سيد راسو طول ما رقبتو بأيدو و بيقدر يمصعلو ياها بعضة مافيها ضو قمر… هدول بيضلو عايشين حيوانات متل ما هنن و بالاخير يا بيفطسو لما بيخلص عمرهون يا اما بياكلهون حيوان اكبر منهون…الصنف التاني هو طائفة فرعية من الصنف الاولاني من هالحيوانات بس انو فكرو حالهون اذكى…انو والله خلينا نختلط بالبشر بركي منصير متلون او انو بيحمونا…فهدول نهايتهون..بعد ما يكونو عاشو عيشة داجنة و انركب عليهون و انحلبو و باضو طول عمرهون…نهايتهون يا بيفطسو بالحظيرة..يا اما بينتهو على سيخ شاورما….بس انو ماتو حيوانات متل ما عاشو….
الصنف التالت هيك نمط حياتو جحش…و بيكون منخخ باقي الحيوانات…مو على شي ..لا على ذكائو و لا على طلتو البهية…بس انو جحش و قوي..هيك ربنا خلقو انا و انتو ما دخلنا…يمكن اهلنا شاركو بصنع هالصنف…بس نحنا ما دخلنا..هالصنف هاد بيعيش جحش و مستحيل يتطور…انو هو كبير بالحجم..بس عقلو قد الجوزة…ما بيعرف يتغير..احادي الرأي مو الخلية…بس انو كبير…و لما بينفرض عليه التغيير او بصير لازم يتغير…بيجحش…و بالاخير بينقرض..متل الديناصورات..الديناصور اساسا مؤسس هالصنف.. هيك كان كبير و بيمشي و بيلبط و بياكل الاخضر و اليابس…هلأ لو الديناصور قدر يتأقلم انو و الله هالنيزك يلي ضرب الدنية و قتل كتير من هالحيوانات يلي بياكلها و بيقتات عليها …لو انو قرر يخفف اكلو شوي… يعمل ريجيم…انو و اخشوشنو ان النعم لا تدوم…..من بداية القصة…لو انو اقتنع انو فيني عيش و خلي غيري يعيش…ما كان انقرض الديناصور ..كان نزل وزنو شوي..و ولادو طلعو اصغر بشوي..بس ما كان انقرض و كان لسا في بيناتنا ديناصورات لوقتنا الحاضر…بس انوحيوان و انقرض..شوفيني ساويلو؟
المشكلة عنا بالبلد..انو ديناصورنا رح ينقرض اجلا ام عاجلا….النيزك ضرب البلد و كان عندو فرصة يتأقلم و يتغير..بس عمل متل ما عمل الديناصور و جحش متلو..ما رح قول هالانقراض رح يكون بنتيجة الشي يلي عم يصير حاليا..انا تشاؤمي بطبعي و من جماعة نص الكاس الفاضي…بس انو اخرتو رح ينقرض…اذا الديناصورات قدها و دلقها انقرضو من كم مليون سنة…..بس انو مو هي المشكلة…ينقرض..بحفض الكلاب..المشكلة بباقي الحيوانات يلي ما عم يتعظوا من كتب العلوم…انو يا اخي مالها مباراة الشغلة…مافي انا انتصر و لا انت تنتصر…بالاخير انت حيوان بهل البلد متلك متلي…بيجوز انت تكون مفكر حالك غير…بس اذا ما كنت فصيلة الديناصورات فأنت حيوان صغير متلي…قد ما قلت انا بحب الديناصور..حقك فرنكين عندو..هلأ انت بتعرف هالشي بدليل انك عشت طول عمرك خايف منو..و بتعرف انو اذا بتحكي كلمة عليه…بتروح عليك…فأقلمت حالك انو انا منيح هيك و اموري تمام…انو اسهل لراسك….و ضميرك ووجدانك مو مشكلة…طز..بس انو يا اخي…انت شو متوقع رح يصير لنفرض هالمتظاهرين و المعارضين و المندسين و العرصات و الجرذان و السلفيين فطسو كلهون؟
اقتصادك من قبل ما يضرب النيزك…بيخري عالاخير و بشهادة دكتور…مافيها نقاش…يعني انت شو ما كان وضعك..شو ما كان قبل.. رح يكون احسن من مستقبلك القريب و البعيد بالبلد…الشغلة ما بدها علم و لا فطحلة و لا ضرب مندل…..سوريا عم تنعزل…اساسا انعزلت و مشي الحال…ديناصورنا انعزل..و لو انو لسا لهلأ اميركا عم تلحمس لحمسة..بس من هون ليفطس هالمتظاهرين و المعارضين و المندسين و العرصات و الجرذان و السلفيين…..ما حدا رح يقدر يتعامل معو..بالاخير اوباما و اتاتورك و غيراتون…ما رح يقدرو يحطو ايديهون بأيديه…مو كرها فيه…بس ما بيقدرو لانو هنن كمان عندهون مستقبل سياسي و عيل يطعموها و شعب بيعرف ينتخب و رأي عام و قصص…و انو سوريا مافيها نفط…فما رح يقلولو تعا حبيب هات بوسة بعد يلي ساواه و رح يساويه من هون ليوقف المؤامرة.. متل ما ساوو مع القذافي بزمناتهون…بلدنا صغير و جربان… لولا اسرائيل ..كان حقو فرنكين من الناحية الاقليمية و السياسية…بعد ما الاسد بلع الناحية الاقتصادية و الثقافية و الاجتماعية و الحضارية… ..فكرمال الناحية السياسية و تلافيا لاي مشاكل بالمنطقة…رح يتركوه ينقرض على مهلو …بس ما رح يقدرو يتعاملو معو..
رح نفكر انو انتصرنا…انو عليهون و على العقوبات الاقتصادية نحن ما بيصير علينا شي…نحن شعب ممانع….و نبعبع بعبعتنا المعتادة….و سوريا بشار حاميها..
بس بالاخير شو صار؟ رح يصير حلمك بالهجرة اكبر من الاول..حتى لو ما كان ببالك تهاجر رح يصير حلمك….لافي روؤس اموال خارجية تستثمر بالبلد لاسباب سياسية و عدم استقرار…و لا في سياحة متل العالم…زراعة ميتة….اكتر شي اقتصادك ممكن يستفيد منو ليتحسن بفرنكين هو المصاري يلي من برا..و برا بح….لانو من جوا مافي شي..شفطوها من زمان……ما في غير انت و رامي و الاب القائد…هنن ما رح يصير عليهون شي…عندهون ثروات بتكفيهون ليوم القيامة…..و شرطك خلي الممانعة تنفعك…انت بتعرف انو بعمرك مارح تحارب اسرائيل…و بعمرها الجولان ما رح ترجع على الوضع الحالي….فيعني ما عم بفهم عليك شو متوقع؟
حدد موقفك و شغل مخك بليرة يستر على جاجاتك….فكر منيح… لانو هون مالها مباراة اذا خسر برشلونة بلعبة بيرجع و بيزبط امورو الاسبوع الجاية…مافي تزبيط هون…في يا اما تغيير بشكل من الاشكال…و هالشكل انت فيك تساهم بصياغتو من خلال موقفك هلأ…..يا اما الوضع لورا…و بعمرو ما رح يمشي لقدام بدون تغيير..مافي امكانات تخليه يمشي لقدام اساسا……و اذا هلأ ضليت ساكت و مفكر حالك حربوق و ماسك العصاية من النص..اخرتها رح يجي دورك و تفوت هالعصاية بقفاك و تتقطع فيك و بولادك الاسباب و رح تبلشو تمتعضو غصب من عن يلي خلفكون…و ساعتها اذا بدي اسمعك عم تنق او تقول باه لاي شي بالبلد و تشتكي من وضعك و انو مو عاجبك الوضع و انو نحنا شعب جحش و ما منصير…….توقع بزقة بنص وشك…و ذكرك انو الحيوان رح يضل حيوان… و احكيلك قصة الديناصور…و بشرك انو انت الوحيد يلي جحش لانو العالم يلي اخدت موقف و عم تدفع تمنو دم و دموع مالهون حيوانات متل مالك مفكر.. ببساطة لانو الحيوان ما بيقدر ياخد موقف….و ان حاول ياخد موقف بيكون محدود ضمن الاصناف التلاتة اعلاه
فهل انت حيوان اخي الانسان؟
اص ؟ اعتدنا الموت َ و اعتدنا أنّ حصيلة كلّ يوم ٍ هي عدد من الشهداء الذين كلّما زاد َ عددهم زاد الفعل العاطفي و ازداد التعاطف الدولي و ازدات البيانات ُ واحدا ً ؟ حتى وصل الأمر إلى أنّ البعض يعلن موت َ معتقل ٍ و التضامن معه ُ و قراءة الفاتحة و التكبير و الترحم عليه و الوعيد بالنيل من القتلى – بالأسماء – مرارا ً و تصدح بعض القنوات التلفزيونيّة بالخبر و ذلك كلّه ُ قبل َ أن يتأكد الذين يقفون َ خلف َ ذلك من الحقيقة . –تماما ً كما حصل َ عندما توفي كريم عربجي في بيروت و قال أحدهم أنه ُ توفي تحت ً التعذيب في المعتقل ، نعم لقد إعتقل كريم عربجي وهذا نفسه ُ مؤلم لكنه ُ لم يمت في المعتقل ، فلم َ التهويل ؟ — أتفق أنه ُ لو حصل َ ذلك في أحد الأفلام لكان َ ذو بعد ٍ فلميّ جميل سيجذب المزيد من الجمهور و لكن .. هذا ليس َ ما نحتاج ُ إليه في سوريا ففي حصيلة سوريا الكثير جدّا ً من المسلسلات و الخيال الدرامي لسدّ هذه الحاجة ، أمّا هنا فنحن ُ نكتب تاريخا ً و لا نكتب ُ أفلاما ً و الحقيقة مؤلمة كما هي و لا تحتاج ُ تهويلا ً أو أبعادا ً دراميّة ً .
و هنا لا أعني المتضامنين مع القضيّة أو منشئي الصفحات أو غيرهم مِن مـَن وثقوا بالراوي و لكن الذين ينقلون أخبار ذات حساسيّة عالية دون َ التأكد من صحتها ، الذين يتناقلون َ أخبار َ الموت و كأنها ليست سوى خبر ٍ جديد ٍ في إحدى صفحات الصحافة الصفراء. نعم أعرف أنهم ليسوا مهنين أصلا ً و لا يجب ُ أن نحاسبهم و كأنهم كذلك و أنّ الأفعال غالبا ً تأتي كردات ُ فعل تأتي ردا ً على التغطية الإعلاميّة الشبه معدومة لعدم السماح بترخيص قنوات إعلاميّة عدا التلفزيون الرسمي و الشبه الرسمي لتغطية ما يجري في الشارع، و لكن كروّاد الإعلام الحديث لا يجب ُ أن يـتم بيننا استخدام َ أسلوب َ التلفزيون الرسمي ( و الشبه الرسمي ) الإعلامي برواية الأحداث و تهويل الأمور التي تجذب ُ جمهورا ً فهذا سيفقد حتّى اعلام المواطن مصداقيته . نعم كلّنا مع الحق ضدّ اي ظلم و كلّنا ضد ايّ اهمال او اسكات ٍ صوت ِ الحق و لكن المبالغة هكذا تضرّ الجميع و لا تقف بمصلحة أحد ٍ .
بالعودة للحديث عن الموت ، مازلت ُ لا أستطيع ُ أن أفهم َ كيف َ لشخص ٍ يتضامن ُ مع حقوق الحيوان و الجياع في افريقيا و يشفق ُ على المتسولين و المحتاجين و لا يتأخر ثانية ً عن القاء الخطابات عن الانسانيّة و الإنسان ، أن يجد َ تبريرا ً للقتل ، أيّ قتل ، أو تبريرا ً لسلب الحريات ، و الاستهتار بحقوق الآخرين هكذا.
لا أفهم و لن أفهم .
قيل َ منذُ أيّام ٍ أنّ نهاية العالم بدأت الأمس 21 أيّار ، أنا لا أؤمن بهذه الروايات و لكنني أعتقد ُ أن نهاية العالم بدأت قبل َ أن يبدأ العالم عندما قتل َ قابيل ٌ أخاه ُ .
